اهلا يا جماعه ... نورتو المنطقه
دى اول مدونه ليا واتمنى انها تلاقى ترحيبكم
واتمنى انى اعرف اخرج بيها من فقاعه الصمت الزجاجيه اللى انا محبوس جواها دى
ايوه سجن عباره عن فقاعه وزجاجيه ياعنى شايف اللى حواليك وشايفينك وبتتحرك بيها زى مانتا عاوز بس للاسف ساعات بتبقى -اللى هوا انا - نفسك تتكلم وتقول وتحكى بس ماتقدرش ... يمكن علشان موش لاقى الانسان المناسب انك تقوللو وتحكيلو عن اللى جواك ..جايز .. ممكن علشان خجول شويه ..موش بعيد .. او ممكن علشان انتا ما حاولتش قبل كدا تتكلم ولو مع نفسك فى المشاعر والاحاسيس او حتى تقول لنفسك انا بحب... استنى استنى قبل ما تقول حاجه انا كونت بقول الكلام اللى فات دا عن نفسى... علشان كدا انا بحاول احكى اهو عن اللى جوايا .. هحاول كسر حته من الفقاعه .. وانا حاسس انى بالفعل كسرت حته كبيره قوى بمجرد كتابتى المدونه دى ايوه انا حاسس كدا والا لو انا ماكونتش كسرتها كونت هاتكلم معاك بلغه الاشاره ....انا متاكد انى هلاقى اصحاب وهلاقى اخوات احكيلهم وينصحونى ويحكولى ... هاتكلم عن حياتى وعن اللى حواليا هاحاول مانساش حاجه حلوه حصلتلى ... هاقول حاجات حصلتلى تضحك وحاجات حصلتلى محزنه..حاجات ندمان انى عملتها ..وهايكون منها الحاجات اللى سجنتنى فى الفقاعه دى ..حاجات هاحتاج نصايحكو فيها .. وحاجات انتهت بالنسبالى وحاسس انى اتعلمت منها..طبعا موش فلسفه بقى وحكم هاقولها انا موش قد الحاجات دى ..اتمنى انكو تستحملونى بقى بفقاعتى بخنقتى المؤقته دى وماكونش تقلت عليكو..
اقبلو تحياتى . SiLent CheMiSt
